ఎస్పీ మల్లికా గార్గ్ సేవలు ప్రశంసనీయం..గుంటూరు రేంజ్ ఐజిపి పాలరాజు

పొలీసు అధికారులు సమర్థవంతమైన విధులతో ప్రజలకు ఉత్తమ సేవలందిస్తూ పోలీసు శాఖ ప్రతిష్ట పెంచాలి..గుంటూరు రేంజ్ ఐజిపి పాలరాజు

బదిలీపై వెళ్తున్న ప్రకాశం జిల్లా ఎస్పీ మలిక గర్గ్ కి ఘనంగా ఆత్మీయ వీడ్కోలు..

పొలీసు అధికారులు సమర్థవంతమైన విధులతో ప్రజలకు ఉత్తమ సేవలందిస్తూ పోలీసు శాఖ ప్రతిష్ట పెంచాలని గుంటూరు రేంజ్ ఐజిపి పాలరాజు పేర్కొన్నారు.

ప్రకాశం జిల్లా ఎస్పీగా రెండు సంవత్సరాల ఏడు నెలల పాటు వినూత్న కార్యక్రమాలతో, సిబ్బంది సంక్షేమంలో జిల్లాలో తనదైన ముద్ర వేసుకొని బదిలీపై తిరుపతి జిల్లాకు ఎస్పీగా బదిలీ అయిన ఎస్పీ మలిక గర్గ్ కు ఆదివారం ఒంగోలులోని , జిల్లా పోలీస్ కార్యాలయంలో వీడ్కోలు సభ నిర్వహించారు . ఈ సందర్బంగా కార్యక్రమానికి ముఖ్యఅతిథిగా హాజరైన గుంటూరు రేంజ్ ఐ జి పి పాలరాజు, మాట్లాడుతూ ప్రకాశం జిల్లా ఎస్పీగా మల్లికా గార్గ్ విశిష్టమైన సేవలను అందించి ఎన్నో కీలకమైనటువంటి కేసులను చాకచక్యంగా చేధించారన్నారు. అలాగే టంగుటూరు, చీమకుర్తిలలో జరిగిన జంట హత్యల కేసులను చేదించి నిందితులను అరెస్టు చేశారని, సంచలనం కలిగించిన కుమార్తెను చంపిన తండ్రి హత్య కేసులో ఎస్పీ విశిష్ట విధుల ద్వారా నిందితులను త్వరితగతిన అరెస్టు చేశారన్నారు. రోడ్డు ప్రమాదాలు 25% తగ్గించారని, శిక్షల శాతం పెంచారని, శాంతి భద్రత మరియు నేరాల నియంత్రణలో సమర్ధవంతంగా విధులు నిర్వర్తించారని జిల్లా ఎస్పీ మల్లికా గార్గ్ ను కొనియాడారు. అనంతరం బాపట్ల జిల్లా ఎస్పీ వకుల్ జిందాల్ మాట్లాడుతూ ఆంధ్రప్రదేశ్ రాష్ట్రంకి పోలీస్ ఆఫీసర్ గా వచ్చిన 6 నెలల వ్యవధిలోనే ఒక జిల్లాకి ఎస్పీగా అవడమే కాకుండా రాష్ట్రంలోనే ఉత్తమ పోలీసింగ్ సేవలు అందిస్తున్న జిల్లాల్లో ప్రకాశం జిల్లాను ముందు వరుసలో ఉంచడం ఎస్పీ పనితీరుకు పరిపాలన దక్షతకు నిదర్శనమని కొనియాడారు. జిల్లాకు మహిళా ఎస్పీగా వచ్చినప్పటి నుండి ఒక సవాలుగా తీసుకొని పోలీస్ శాఖలో ప్రతి అంశాన్ని క్షుణ్ణంగా, లోతుగా విశ్లేషించి చర్యలు తీసుకుంటారని, ఎలాంటి సమస్యనైనా సమర్థవంతంగా ఎదుర్కొని పరిష్కరిస్తారని అన్నారు. విధి నిర్వహణలో ఎక్కువగా నిమగ్నమైనప్పటికీ, కుటుంబ జీవితానికి తగిన సమయం కేటాయిస్తారని, రెండింటిని చక్కగా బ్యాలెన్స్ చేస్తారని తెలిపారు. ప్రకాశం జిల్లా నుండి విభిన్న పరిస్థితులు ఉండే తిరుపతి జిల్లాకు బదిలీపై వెళ్తున్న ఎస్పీ అక్కడ కూడా తనదైన శైలిలో ఉత్తమ పోలీసు సేవలు అందించి అందరి మన్ననలు అందుకుంటారని ఆశాభావం వ్యక్తం చేశారు.అనంతరం జిల్లా కలెక్టర్ ఏ.ఎస్.దినేష్ కుమార్, బాపట్ల జిల్లా ఎస్పీ వకుల్ జిందాల్, జిల్లా ఎస్పీ కుటుంబం సభ్యులు, మాజీ పబ్లిక్ ప్రాసిక్యూటర్ ఐ.వి.వెంకటేశ్వర్లు జిల్లా పోలీస్ అధికారులు తదితరులు ఎస్పీ మల్లికా గార్డ్ ను శాలువా, పూలమాలలతో సత్కరించి, జ్ఞాపికలను అందజేసి ఘనంగా ఆత్మీయ వీడ్కోలు పలికారు.

7k network
Recent Posts

పదేళ్లలో పెరిగిన ఈడీ దూకుడు..సీఎం జగన్ సమక్షంలో చేరికలు..నామినేషన్ వేసిన మాగుంట..రేపే కుందూరు నామినేషన్..రాజీనామా చేస్తే 15 వేలు!!!..బస్సులో అమ్మాయి అసభ్య ప్రవర్తన..సోదరుడి కోసం సోదరి ప్రచారం

టిడిపిని వాలంటీర్లే ఓడిస్తార?..పవన్ సీట్లు అమ్ముతున్నారని..పిఠాపురంలో డబ్బులు పంచుతున్నారని ఫిర్యాదు..సీతారాముల కళ్యాణంలో మాగుంట,ముత్తుముల దంపతులు..గిద్దలూరు వైకాపా టీడీపీలలో చేరికలు

సీఎం జగన్ సమక్షంలో హేమాహేమీల చేరికలు..ఓర్వలేకనే దాడులు..1400 కిలోల బంగారం స్వాధీనం..విస్తృత ప్రచారంలో మాగుంట తనయుడు..కంభంలో ఎంపీ అభ్యర్థి చెవిరెడ్డిఆత్మీయ సమ్మేళనం.. త్రిబుల్ ఐటీ విద్యార్థిని ఆత్మహత్య..

ఇజ్రాయిల్ పై ఇరాన్ క్షిపణి దాడులు..సీఎం జగన్ పై జరిగిన దాడిని ఖండించిన షర్మిల..పవన్ కళ్యాణ్ పై నాన్ బైయిలబుల్ కేసు!!! సల్మాన్ ఖాన్ఇంటి వద్ద కాల్పులు..పలు కార్యక్రమాలలో పాల్గొన్న ఎంపీ మాగుంట..ఎమ్మెల్యే అన్నా సతీమణి,కోడలు ప్రచారం..